ភ្នំពេញ÷ហេតុការនេះបានកើតឡើងនៅថ្ងៃទី១០ ខែកញ្ញា ឆ្នាំ២០២២ នៅលើផ្លូវជាតិលេខ៣ ក្នុងភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ប្រភពពីរកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្ត១គ្រឿង ម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ 3D-9986 បើកបរធ្វើដំណើរក្នុងទិសដៅពីជើងទៅត្បូង ខណ:ពេលទៅដល់ត្រង់ចំណុចកើតហេតុ បានឈប់ចតលើផ្លូវដោយពុំដឹងថា អ្នកបើកបររវល់ទៅណាឡើយ លុះរយ:ពេលប្រមាណ១០នាទីក្រោយមក មានបុរសម្នាក់ជិះម៉ូតូម៉ាកហុងដាគុបជ្រុង១គ្រឿង ពាក់ស្លាកលេខភ្នំពេញ 1S-0197 ធ្វើដំណើរក្នុងទិសដៅស្របគ្នា ទៅដល់បុកពីក្រោយពេញទំហឹង បណ្ដាលឲ្យដួលរងរបួសធ្ងន់ធ្ងរបញ្ជូន ទៅកាន់មន្ទីរពេទ្យ ដើម្បីសង្រ្គោះបន្ទាន់ភ្លាមៗ ហើយម៉ូតូរបស់គាត់ បានរងការខូចខាតយ៉ាងដំណំផងដែរ។


