ក្រុមហ៊ុនជីករុករករ៉ែមាសនៅចំណុចជើងភ្នំដែក ទល់មុខវិទ្យាល័យភ្នំដែក ត្រូវបានមន្ទីរជំនាញចុះទៅឃាត់គ្រឿងចក្រ
គេហទំព័រ MNSPNEWS (www.mnspnews.asia) សូមគោរពនិងជំរាបសួរ ទ្រង់ឯកឧត្តម លោកជំទាវ អ្នកឧកញ៉ា អស់លោក លោកស្រី អ្នកនាងកញ្ញា និង ពុកម៉ែបងប្អូនជនរួមជាតិទាំងអស់ ដែលតែងតែនិយមវិស័យព័ត៌មានអនឡាញជាទីមេត្រី ខ្ញុំបាទ មានឧត្តមគតិជាអ្នកស្រលាញ់ប្រទេសជាតិ និងវិជ្ជាជីវៈជាអ្នកសារព័ត៌មាន ពិតប្រាកដ សូមជួយlike ជួយshare ផង ពុកម៉ែបងប្អូនដើម្បីសង្គមជាតិ មាតុភូមិរបស់យើងទទួលបានព័ត៌មានទាំងអស់គ្នាណា។ សូមអរគុណ...!

ក្រុមហ៊ុនជីករុករករ៉ែមាសនៅចំណុចជើងភ្នំដែក ទល់មុខវិទ្យាល័យភ្នំដែក ត្រូវបានមន្ទីរជំនាញចុះទៅឃាត់គ្រឿងចក្រ

ខេត្តព្រះវិហារ ៖ ក្រុមហ៊ុនជីករុករករ៉ែមាសនៅចំណុចជើងភ្នំដែក ទល់មុខវិទ្យាល័យភ្នំដែកត្រូវបានមន្ទីរជំនាញចុះទៅឃាត់គ្រឿងចក្រក្រោយពីទទួលបានសេចក្តីរាយការណ៍របស់អ្នកសារព័ត៌មានប្រចាំខេត្តព្រះវិហារ  កាលពីរសៀលថ្ងៃទី ១៤ ខែកញ្ញា ឆ្នាំ២០២២ បន្ទាប់ពីមានសេចក្តីរាយការណ៍មក លោក ស៊ន់ ច័ន្ទរក្សា ប្រធានមន្ទីររ៉ែនិងថាមពល ដែលទើបតែឡើងកាន់តំណែងថ្មីៗធ្វើការបានរហ័សរហួនគួរឱ្យកោតសរសើរ។

លោក ស៊ុន ច័ន្ទរក្សា ប្រធាមន្ទីររ៉ែនិងថាមពលបានប្រាប់ឱ្យដឹងនៅល្ងាចថ្ងៃទី១៤ ខែកញ្ញានេះថា ក្រោយទទួលបានព័ត៌មានច្បាស់ការណ៍ និងទទួលបានបទបញ្ជាពីសំណាក់លោក គីម រិទ្ឋី អភិបាលនៃគណៈអភិបាលខេត្តព្រះវិហារ លោកបានដឹកនាំក្រុមការងារ សហការជាមួយកម្លាំងអាជ្ញាធរមូលដ្ឋានបានចុះទៅដល់ចំណុចខាងលើ និងពិនិត្យមើលការជីកកកាយរុករករ៉ែមាសដោយខុសច្បាប់ ក្រុមការងារក៏បានឃាត់គ្រឿងចក្រអេស្កាវ៉ាទរ័ចំនួន១គ្រឿងយកមករក្សាទុកនៅមូលដ្ឋានកងរាជអាវុធហត្ថស្រុករវៀង ដើម្បីចាត់ការបន្តទៅតាមនីតិវិធី ។
គួររំលឹកផងដែរថា បទល្មើសរុករករ៉ែមាសកន្លងមកការចុះបង្ក្រាបហាក់ដូចជាវែកចកកណ្តាលបឹង បង្ក្រាបបានថ្ងៃនេះ ថ្ងៃស្អែកឡើងប្រព្រឹត្តឡើងវិញលើសដើម ឥលូវនេះមហាជនរង់ចាំមើលថា តើការបង្ក្រាបបទល្មើសធនធានធម្មជាតិដែលជាស្នាដៃរបស់លោកស៊ុន ច័ន្ទរក្សា ប្រធានមន្ទីររ៉ែនិងថាមពលថ្មីមានប្រសិទ្ឋភាពបែបណា៕
Previous Post Next Post