លោកលឹម គានហោ បន្ដចុះពិនិត្យលទ្ធភាពរំដោះទឹកស្ទឹងព្រែកត្នោត ដើម្បីទម្លាក់ចូលទន្លេ ខណៈតាមទំនប់សណ្ដមិនមានស្ថានភាពព្រួយបារម្ភ"
គេហទំព័រ MNSPNEWS (www.mnspnews.asia) សូមគោរពនិងជំរាបសួរ ទ្រង់ឯកឧត្តម លោកជំទាវ អ្នកឧកញ៉ា អស់លោក លោកស្រី អ្នកនាងកញ្ញា និង ពុកម៉ែបងប្អូនជនរួមជាតិទាំងអស់ ដែលតែងតែនិយមវិស័យព័ត៌មានអនឡាញជាទីមេត្រី ខ្ញុំបាទ មានឧត្តមគតិជាអ្នកស្រលាញ់ប្រទេសជាតិ និងវិជ្ជាជីវៈជាអ្នកសារព័ត៌មាន ពិតប្រាកដ សូមជួយlike ជួយshare ផង ពុកម៉ែបងប្អូនដើម្បីសង្គមជាតិ មាតុភូមិរបស់យើងទទួលបានព័ត៌មានទាំងអស់គ្នាណា។ សូមអរគុណ...!

លោកលឹម គានហោ បន្ដចុះពិនិត្យលទ្ធភាពរំដោះទឹកស្ទឹងព្រែកត្នោត ដើម្បីទម្លាក់ចូលទន្លេ ខណៈតាមទំនប់សណ្ដមិនមានស្ថានភាពព្រួយបារម្ភ"

ភ្នំពេញ៖  នៅព្រឹកថ្ងៃទី០៩ ខែតុលា ឆ្នាំ២០២២ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម អមដំណើរដោយថ្នាក់ដឹកនាំក្រសួង រួមជាមួយក្រុមមន្រ្តីបច្ចេកទេស ចុះពិនិត្យលទ្ធភាពក្នុងការរំដោះទឹកពីស្ទឹងព្រែកត្នោត ដេីម្បីបង្ហូរទម្លាក់ចូលទៅក្នុងទន្លេ តាមរយៈប្រឡាយ ៩៤ និង៩៦ នៅក្នុងភូមិសាស្រ្តសង្កាត់កំពង់សំណាញ់ ក្រុងតាខ្មៅ ខេត្តកណ្ដាល។

ក្នុងបេសកកម្មនោះ លោករដ្ឋមន្ដ្រី លឹម គានហោ ក៏បានបន្តពិនិត្យស្ថានភាពទឹកតាមខ្នងទំនប់សណ្តស្ទឹងព្រែកត្នោត ដែលបច្ចុប្បន្ននៅពុំទាន់មានអ្វីជាការព្រួយបារម្ភខ្លាំងក្លានៅឡើយទេ។
  លោករដ្ឋមន្ត្រី បានណែនាំបន្ថែមដល់ប្រធានមុខព្រួញទាំងអស់ ត្រូវបង្កើនការយកចិត្តទុកដាក់ដោយស្មារតីទទួលខុសត្រូវខ្ពស់។
សូមជម្រាបថា ស្ថានភាពកម្ពស់ទឹកស្ទឹងព្រែកត្នោត នៅសំណង់ទ្វារទឹកទំនប់អាង៧មករា នាថ្ងៃទី០៩ ខែតុលា ឆ្នាំ២០២២ វេលាម៉ោង៦៖០០នាទីព្រឹក៖* កម្ពស់ទឹកខាងមុខទ្វារ ៥.០៥ម៉ែត្រ (កម្ពស់ទឹកប្រុងប្រយ័ត្ន៥.៣០ម៉ែត្រ)* កម្ពស់ទឹកហូរលើទំនប់បង្ហៀរ ០.២៥ម៉ែត្រ* កម្ពស់ទឹកខាងក្រោយទ្វារ៧.២០ម៉ែត្រ ជាកម្ពស់មួួយដែលត្រូវធ្វើការត្រៀមលក្ខណៈ និងតាមដានខ្ពស់ព្រោះស្ថានភាពទឹកនៅបន្តកេីនឡេីង៕
Previous Post Next Post