សកម្មភាពដឹកគោចេញពីក្នុងព្រៃ តាមច្រកអូរបីជាន់ សង្ស័យមិនមានការបង់ពន្ធនិងត្រួតពិនិត្យត្រឹមត្រូវ"
គេហទំព័រ MNSPNEWS (www.mnspnews.asia) សូមគោរពនិងជំរាបសួរ ទ្រង់ឯកឧត្តម លោកជំទាវ អ្នកឧកញ៉ា អស់លោក លោកស្រី អ្នកនាងកញ្ញា និង ពុកម៉ែបងប្អូនជនរួមជាតិទាំងអស់ ដែលតែងតែនិយមវិស័យព័ត៌មានអនឡាញជាទីមេត្រី ខ្ញុំបាទ មានឧត្តមគតិជាអ្នកស្រលាញ់ប្រទេសជាតិ និងវិជ្ជាជីវៈជាអ្នកសារព័ត៌មាន ពិតប្រាកដ សូមជួយlike ជួយshare ផង ពុកម៉ែបងប្អូនដើម្បីសង្គមជាតិ មាតុភូមិរបស់យើងទទួលបានព័ត៌មានទាំងអស់គ្នាណា។ សូមអរគុណ...!

សកម្មភាពដឹកគោចេញពីក្នុងព្រៃ តាមច្រកអូរបីជាន់ សង្ស័យមិនមានការបង់ពន្ធនិងត្រួតពិនិត្យត្រឹមត្រូវ"

ខេត្តបន្ទាយមានជ័យ÷គោរាប់សិបក្បាលដែលដឹកចេញពីក្នុងព្រៃ មួយកន្លែងតាមច្រកព្រំដែនកម្ពុជា ថៃ សង្ស័យគេចពន្ធ និងមិនមានការត្រួតពិនិត្យត្រឹមត្រូវ ដែលធ្វើសកម្មភាព ដឹក និងចេញពីក្នុងព្រៃ ឆ្លងដែនចូលមកប្រទេសកម្ពុជា តាមច្រកអូរបីជាន់ ស្ថិតនៅក្នុងភូមិថ្នល់បត់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។

ប្រភពពីប្រជាពលរដ្ឋបានឲ្យដឹងថា គោដែលដឹកចេញពីក្នុងព្រៃ តាមច្រកអូរ៣ជាន់ មកស្តុបទុកក្នុងក្រោល របស់ពួកគាត់ ដើម្បីចែកចាយលក់បន្ត ទៅតាមបណ្ដារាជធានីខេត្ត ផ្សេងៗ មិនឃើញមានជំនាញពាក់ព័ន្ធ ពិសេសគឺពេទ្យសត្វ ចុះមកធ្វើការត្រួតពិនិត្យ លើសត្វគោទាំងនេះនោះទេ ខណៈដែលគោខ្លះយកមកពីប្រទេសឥណ្ឌា និងខ្លះទៀតមកពីប្រទេសថៃ តែបើមិនមានការត្រួតពិនិត្យត្រឹមត្រូវទេនោះ វាអាចធ្វើឲ្យប៉ះពាល់ដល់សុខភាពប្រជាជនកម្ពុជា ប្រឈមនឹងជំងឺផ្សេងៗថែមទៀតផង ឬក៏សមត្ថកិច្ច និងក្រសួងពាក់ព័ន្ធ មានការឃុបឃិត ត្រូវរ៉ូវគ្នា ឬមួយយ៉ាងណា ទើបបានជាទុកឱ្យក្រុមឈ្មួញទាំងនេះ ដឹកគោឆ្លងដែនពេញព្រៃ និងតាមដងផ្លូវ យ៉ាងអាណាធិបតេយ្យ បានដោយគ្មានអ្នកអើពើ ។
ប្រភពដដែល បានបន្តថា ថៅកែគោដ៏មានឥទ្ធិពលនៅក្នុងភូមិថ្នល់បត់ ស្រុកអូរជ្រៅ ខេត្តបន្ទាយមានជ័យ បានគៀងគរប្រជាពលរដ្ឋ ឲ្យដឹកគោចេញពីក្នុងព្រៃ រាប់រយក្បាលក្នុងមួយថ្ងៃៗ នេះ រយះពេល៣ ទៅ៤ឆ្នាំមកហើយ សូម្បីតែ ឈ្មោះ ថៅកែដែលមានឥទ្ធិពលរូបនោះ ជាអ្នកណា ហើយឈ្មោះអ្វី ក៏មូលដ្ឋានមិនដែលស្គាល់ផង ។
ជាក់ស្ដែងនៅវេលាម៉ោង ៦ព្រឹក ថ្ងៃទី ២៤ ខែមេសា ឆ្នាំ២០២៣ អង្គភាពសារព័ត៌មានយើង បានចុះដល់ទីកន្លែង ដោយផ្ទាល់ ដើម្បីផ្ដិតយករូបភាព នឹងធ្វើការផ្សព្វផ្សាយ ជូនថ្នាក់ដឹកនាំ និងស្ថាប័នពាក់ព័ន្ធ ឱ្យបានជ្រាបជាព័ត៌មាន ថាការដឹកជញ្ជូនគោចេញពីក្នុងព្រៃ មានការត្រួតពិនិត្យត្រឹមត្រូវ និងបង់ពន្ធចូលរដ្ឋដែរឬយ៉ាងណា ?
សម្រាប់ប្រជាពលរដ្ឋ ពួកគាត់ជួលក្រោលគោនិមួយៗ ឲ្យទៅឈ្មួញសម្រាប់ ស្តុបគោ គ្រាន់បានកម្រៃខ្លះ គឺក្នុងតម្លៃ ១០មុឺនរៀល ទៅ ១៥ ម៉ឺនរៀល ក្នុងមួយថ្ងៃ ឬ២ថ្ងៃ ទាំងការមើលថែ ដាក់ទឹក បន្ទាប់មកទើបឈ្មួញយករថយន្តធំៗដឹកជញ្ជូនចេញទៅលក់បន្តរ ។
ជុំវិញករណីខាងលើមហាជន និងអង្គការសង្គមស៊ីវិល រង់ចាំមើល លោកអ៊ុំ រាត្រី អភិបាលនៃគណៈភិបាលខេត្តបន្ទាយមានជ័យ និងមានចំណាត់ការបែបណា លើក្រុមឈ្មួញដឹកគោដ៏មានឥទ្ធិពល នៅច្រកអូរ៣ជាន់ ស្រុកអូរជ្រៅ ដែលធ្វើសកម្មភាពដឹកគោ ចេញពីក្នុងព្រៃយ៉ាងគគ្រឹកគគ្រេងខាងលើនេះដែរឬយ៉ាងណា ៕
ពាក់ព័ន្ធនឹងការចុះផ្សាយខាងលើ អង្គភាពសារព័ត៌មាន អឹម អិន អេសភី យើង រង់ចាំការបកស្រាយ បំភ្លឺ ពីរភាគី និងស្ថាប័នពាក់ព័ន្ធ រៀងរាល់ម៉ោងធ្វើការតាមរបបសារព័ត៌មាន ។

Previous Post Next Post