ភ្នំពេញ ÷ទិញផ្ទះតម្លៃជាង១លានដុល្លារ បង់រំលស់អស់ជាង ១៨ម៉ឺនដុល្លារ ពេលអស់លទ្ធភាពបង់ សុំដកលុយវិញខ្លះ តែក្រុមហ៊ុន មិនបានអោយសូម្បីមួយរៀល ខណៈផ្ទះក៏មិនទាន់បានសង់រួច ។
យោងតាមម្ចាស់គណនី Chang Sofiya បានសរសេររៀបរាប់ថា សូមសម្តេចពុក ជួយរកយុត្តិធម៍អោយកូនផង កូនមេម៉ាយ ត្រូវទទួលបន្ទុកចិញ្ចឹមកូនដល់ទៅ ៤នាក់ និងម្តាយក៏ចាស់ ចឹងបន្ទុកទាំងអស់គឺធ្លាក់លើកូនជាអ្នករ៉ាប់រង ហេតុអីក៏កូនត្រូវជួបរឿងអយុត្តិធម៌ចឹង កូនបានទិញនៅបុរី A Ressort Villa តំលៃ 1,100,000$ កក់ដំបូង 550,00$ ខែបន្ទាប់បង់ 11,000$ រហូតគ្រប់ (220,000$ រយៈពេល20ខែ) ប៉ុន្តែគិតចាប់ពីពេលទិញមកនាងខ្ញុំបង់បាន17ខែហើយ គិតត្រឹមថ្ងៃ 28ខែ1ឆ្នាំ2023 ចំនួនលុយបង់( 187000$ លុយដើមសុទ្ធ)។ដោយសារខ្ញុំអស់លទ្ធភាព បង់បន្ត ហើយខ្ញុំក៏ព្យាយាមសុំសំរួលជាមួយបុរី សុំចំនួនលុយដើមខ្លះមកវិញ ព្រោះលុយដែលនាងខ្ញុំបង់គឺជាលុយដើមសុទ្ធមិនមែនរំលោះ តែខាងបុរីដាច់ខាតមិនព្រម ឆាតក៏លែងតប មួយវិញទៀតផ្ទះទិញតាំងពីថ្ងៃទី ២៨ ខែ០១ ឆ្នាំ ២០២២ គឺធ្វើបានតែប៉ុណ្ណឹងទេ មុននិងខ្ញុំសុំសំរួលជាមួយបុរី នាងខ្ញុំព្យាយាមរកអ្នកស្គាល់និងអ្នកផ្សេងៗទិញដែរ តែពេលគេទៅមើល គឺគ្រប់គ្នាមិនហ៊ានទិញទេ ព្រោះគាត់ថាទិញ១ឆ្នាំ ៥ខែហើយ ទើបបានសសរប៉ុណ្ណឹង ចឹងគាត់អត់ហ៊ានទិញទេ បន្ទាប់មកខ្ញុំក៏សំរេចចិត្តសុំសម្រុសសម្រួលខាងបុរី សុំចំនួនលុយ 50%មកវិញ ។ចំណែកខាងបុរីដាច់ខាតមិនព្រមអោយទេ ដោយនិយាយថា យោងតាមកិច្ចសន្យាទិញលក់ តែហេតុអីខាងបុរីមិនយោគយល់ខ្លះ ព្រោះនេះជាលុយសុទ្ធរបស់នាងខ្ញុំកំលាំងញើសឈាមនាងខ្ញុំ ហើយឥលូវខ្ញុំពិតជាអស់លទ្ធភាពបង់បន្តមែន ចំនួនលុយ187000$ ពិតជាច្រើនណាស់សំរាប់កូន សូមសម្តេចពុកជួយកូនផង ដើម្បីកូនបន្តចិញ្ចឹមជីវិតក្មេងទាំង៤ និងម្ដាយចាស់ជរា បន្តទៀត កូនសុំលើកម្រាមដៃដប់សុំអោយសម្តេចពុក សម្តេចអគ្គមហាសេនាបតីតេជោ ហ៊ុន សែន និង សម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជួយកូនផង សូមបងប្អូនជួយស៊ែរដើម្បីអោយសម្តេចពុកបានឃើញផង ៕







