ឧត្តរមានជ័យ ៖ មែកឈើបាក់សង្កត់លើស្ត្រីមានផ្ទៃពោះ៦ខែ ខណៈដែលកំពុងអង្គុយកាប់ដំឡូងក្រោមដើមឈើមួយកន្លែង កាលពីថ្ងៃទី១៦ ខែសីហា ឆ្នាំ២០២៣ ស្ថិតភូមិជប់គគី ឃុំបេង ស្រុកបន្ទាយអម្ពឹល ស្រុកបន្ទាយអម្ពឹល ខេត្តឧត្តរមានជ័យ។
តាមការបញ្ជាក់ លោក អាន់ សមិទ្ធ អភិបាលរងស្រុកបន្ទាយអម្ពឹលបានឲ្យដឹងថា តាមការសាកសួរពីក្រុមគ្រួសារជនរងគ្រោះ ស្ត្រីដែលរងគ្រោះមានឈ្មោះ ជិត សារ៉ាន់ អាយុ៣៨ឆ្នាំ មានផ្ទៃពោះ៦ខែរស់នៅក្នុងភូមិពង់ទឹក ឃុំអម្ពឹល ស្រុកបន្ទាយអម្ពឹល ខេត្តឧត្តរមានជ័យ។
ប្រភពព័ត៌មានបានឲ្យដឹងដែរថា មុនពេលកើតហេតុស្ត្រីម្នាក់មានផ្ទៃពោះ៦ខែកំពុងអង្គុយកាប់ដើមដំឡូងមី នៅចម្ការមួយកន្លែង ស្រាប់តែមានមែកឈើបាក់សង្កត់ចំពីលើក្បាល និងកញ្ចឹងក បណ្តាលឲ្យរងរបួស ធ្ងន់ធ្ងរសន្លប់ស្តូកស្តឹង បង្កឲ្យមានការភ្ញាក់ផ្អើល ដល់អ្នកភូមិ និងសមត្ថកិច្ច ។
ខណៈនោះដែរស្រាប់តែមេឃឡើងដុំពពកពណ៌ខ្មៅ ចង់ភ្លៀងលាយឡំ និងខ្យល់បក់បោកផងដែរ ស្រាប់តែមែកឈើបានបាក់ធ្លាក់ចំពីលើក្បាល និងកញ្ចឹងក បណ្តាលឲ្យស្ត្រីរងគ្រោះសន្ល.ប់ទើបមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចកម្ពុជា ថៃ នៅក្បែព្រំដែននាំគ្នារត់ទៅជួយធ្វើការសង្គ្រោះដឹកបញ្ជូនចូលប្រទេសថៃតាមច្រកទ្វារតំបន់ជប់គគី ដែលខាងថៃហៅថា សាយតាតូ ខណៈមកដល់ពេលនេះស្ត្រីរងគ្រោះបានរួចផុតពីសន្លប់ហើយ ៕