ភ្នំពេញ ៖ បុរសម្នាក់រងរបួ-សធ្ង-ន់បញ្ចូនទៅកម្មមន្ទីរពេទ្យភ្លាមៗ ខណៈដែលបើកម៉ូតូបុកជាមួយនឹងរថយន្តមួយគ្រឿង យ៉ាងពេញទំហឹង កាលពី ថ្ងៃទី១៨ខែសីហា ឆ្នាំ២០២៣ ស្ថិតនៅតាមបណ្តោយផ្លូវ១០៥កែង៤៣២ សង្កាត់បឹងត្របែក ខណ្ឌចំការមន។
យោងតាមប្រភព ពីកន្លែងកើតហេតុបានឲ្យដឹងថា នៅមុនពេលកើតហើយគេឃើញរថយន្តម៉ាកTOYOTA RAIZE ពណ៌ស ពាក់ស្លាកលេខភ្នំពេញ 2BT-1906 បើកបរដោយបុរសម្នាក់ ធ្វើដំណើរតាមបណ្តោយផ្លូវលេខ៤៣២ ទិសដៅពីកើត មកលិចក្នុងល្បឿនលឿនមធ្យម ខណៈមកដល់ចំណុចកើតហេតុផ្លូវបំបែកជាបួនបម្រុងនឹងបើកឆ្លងផ្លូវទៅមុខ ក៏ត្រូវម៉ូតូមួយគ្រឿងម៉ាកហុងដា PCX ពណ៌សពាក់ស្លាកលេខភ្នំពេញ 1FU-0682 បើកបរដោយបុរសម្នាក់ ធ្វើដំណើរលឿនតាមបណ្ដោយផ្លូវ១០៥ទិសដៅ ពីជើងមកត្បូងក៏ជ្រុលទៅបុកចំពាក់កណ្ដាលចំហៀងខាងឆ្វេងរថយន្ត ពេញទំហឹងបណ្តាលឲ្យដួលរងរបួសធ្ងន់ ត្រូវបានរថយន្តសាមុយឯកជនមួយកន្លែង ដឹកទៅសង្រ្គោះបន្ទាន់ភ្លាមៗផងដែរ ចំណែកម៉ូតូ ខូចខាតផ្នែកខាងមុខ រីឯម្ចាស់រថយន្តវិញ បានគេចពីកន្លែងកើតហេតុបាត់ស្រមោល។ក្រោយកើតហេតុសមត្ថកិច្ចមូលដ្ឋានប៉ុស្តិ៍នគរបាលរដ្ឋបាលសង្កាត់បឹងត្របែក បានចុះមកដល់ទំនាក់ទំនង ទៅសមត្ថកិច្ចជំនាញចរាចរណ៍ឱ្យចុះមកវាស់វែង និងធ្វើកំណត់ហេតុយករថយន្តនឹងម៉ូតូ ទៅរក្សាទុកនៅខាងការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំឲ្យភាគីទាំងសងខាងមកដោះស្រាយគ្នានៅពេលក្រោយ៕
.jpg)




