(ភ្នំពេញ)៖ ខណៈពេលបុគ្គល ផែង វណ្ណៈ ចាងហ្វាងការផ្សាយ Pheng Vannak News ធ្វើលិខិតសូមទោសរដ្ឋមន្ត្រីក្រសួងព័ត៌មាន រួមនិងបងប្អូនអ្នកសារព័ត៌មាន ជាសាធារណៈនោះមក..!។
គេសង្កេតឃើញថាៈ ស្ថានភាពទំនាស់រវាងបងប្អូនអ្នកសារព័ត៌មាន និងបុគ្គល ផែង វណ្ណៈ បានថយកំដៅនិងស្ងប់ស្ងាត់..!។ប៉ុន្តែអ្វីដែលមានប្រតិកម្មខ្លាំងនោះ គឺនៅក្រោយពេលសូមទោសរួច បែរជាបុគ្គល ផែង វណ្ណៈ ប្ដឹងអ្នកសារព័ត៌មានចំនួន២នាក់ ទៅតុលាការ-ជាហេតុនាំឱ្យផ្ទុះជម្លោះឡើងវិញ..!។ទាក់ទិនជម្លោះមួយនេះដើមចមដំបូង នៅថ្ងៃទី១៩.០៩.២០២៣ បុគ្គល ផែង វណ្ណៈ បានបញ្ចេញវោហារប្រមាថមាក់ងាយមកលើបងប្អូនអ្នកសារព័ត៌មានថា«ខ្លួនមានទ្រព្យសម្បត្តិស្ដុកស្ដម្ភ ជីវិតហាយសូ រស់នៅក្នុងផ្ទះវីឡា ជិៈសុទ្ធតែរថយន្តទំនើបតម្លៃជាង៣០ម៉ឺនដុល្លារ..!។មិនដូចពួកអាកាសែត ខ្ចប់មមីសមាន់ មួយរៀលៗ ឆ្កួតៗពាក់កាតដើរឡាយតាមចិញ្ចើមផ្លូវ ដើរសំពះសុំលុយគេ ក្ររហេមរហាម ខ្វះចំណេះដឹងនោះទេ..!។មិនតែប៉ុណ្ណោះបុគ្គល ផែង វណ្ណៈ ក៏បានចាត់ទុកអ្នកសារព័ត៌មាន ស្មើនឹងពួកចោរចាប់ជំរិត ។ហើយថែមទាំងបានធ្វើការប្រៀបធៀបថាៈ បងប្អូនអ្នកសារព័ត៌មានទាំងពូជ មិនស្មើនឹងចុងក្រចកជើង របស់ខ្លួនទៀតផង»។បន្ទាប់ពីរងការប្រមាថបែបនេះ នៅថ្ងៃទី២៧.០៩.២០២៣ អ្នកសារព័ត៌មានរាប់សិបនាក់ បាននាំគ្នាប្ដឹងបុគ្គល ផែង វណ្ណៈ ទៅក្រសួងព័ត៌មាន។ លុះដល់ថ្ងៃទី០៣.១០.២០២៣ បុគ្គល ផែង វណ្ណៈ បានចេញលិខិតសូមទោស ចំពោះរដ្ឋមន្ត្រីក្រសួងព័ត៌មាន-មន្ត្រីក្រសួងព័ត៌មាន-រួមនិងអ្នកសារព័ត៌មាន។ក្រោយសូមទោសបាន១ថ្ងៃ ពោលគឺនៅថ្ងៃទី០៤.១០.២០២៣ បុគ្គល ផែង វណ្ណៈ បានដាក់ពាក្យបណ្ដឹង ប្ដឹងលោក ព្រំ សាន ចាងហ្វាងសារព័ត៌មាន«សាន្ត ព្រំ.San Prum»និងលោក ប៉ូ ចាន់នី អ្នកសារព័ត៌មានរហ្សនាម"ស្អែកស្លាប់ស្អែកស្លាប់"ទៅអយ្យការអមសាលាដំបូងខេត្តកណ្ដាល ពីបទៈបរិហារកេរ្តិ៍ជាសាធារណៈ និងញុះញង់ឱ្យប្រព្រឹត្តបទឧក្រិដ្ឋជាអាទិ៍ តាមមាត្រា៣០៥. ៤៩៤និងមាត្រា ៤៩៥ នៃក្រមព្រហ្មទណ្ឌ..!។ដោយឃើញបុគ្គល ផែង វណ្ណៈ ប្ដឹងបែបនេះ ស្រាប់តែបងប្អូនអ្នកសារព័ត៌មានប្រតិកម្មឡើងវិញ ដោយអះអាងថាៈ បើរឿងចប់ហើយឱ្យស្ងាត់រៀងខ្លួនទៅ...!។ចុះហេតុអ្វីបានជាបុគ្គល ផែង វណ្ណៈ ប្ដឹងលោក ព្រំ សាន និងលោក ប៉ូ ចាន់នី ទៅតុលាការទៅវិញ..?។បងប្អូនអ្នកសារព័ត៌មាន បានលើកឡើងថាៈ ទាំងជម្លោះទាំងកំហុសនៃការបង្ហោះព័ត៌មាន របស់លោក ព្រំ សាន និងលោក ប៉ូ ចាន់នី !គឺផ្ដើមពីការប្រមាថរបស់បុគ្គល ផែង វណ្ណៈ ដែលនាំឱ្យបងប្អូនអ្នកសារព័ត៌មានឈឺចាប់កើតទុក្ខ មិនសុខចិត្តខឹង រហូតបញ្ចេញទស្សនៈផ្ទាល់ខ្លួន នៅលើបណ្ដាញសង្គម ក្នុងបំណងរិៈគន់បកទៅកាន់បុគ្គល ផែង វណ្ណៈ វិញ ។
ស្របពេលដែលបុគ្គល ផែង វណ្ណៈ កំពុងចាំចាប់កំហុសចំណុចខ្សោយ ដើម្បីប្ដឹងអ្នកសារព័ត៌មាន ទៅតុលាការដោយគ្មានការលើកលែង...!។ជាការឆ្លើយតប និងករណីខាងលើ បងប្អូនអ្នកសារព័ត៌មាន រាប់សិបនាក់ គ្រោងនឹងប្ដឹងបុគ្គល ផែង វណ្ណៈ ទៅតុលាការ ពីបទ"ជេរប្រមាថ និងញុះញង់ឱ្យមានការរើសអើង"៕








