បាត់ដំបង÷សាច់បង្កក់ប្រម៉ាណ២០០គីឡូក្រាម នាំចូលដោយខុសច្បាប់ មកពីប្រទេសថៃតាមច្រករបៀង ដែលគេហៅថាច្រក៩០.៩០ ស្ថិតនៅក្នុងស្រុកសំពៅលូន ខេត្តបាត់ដំបង ។
តាមប្រភពពីរកម្មករដឹកជញ្ជូនសាច់ជ្រូកខាងលើបានប្រាប់មកកាន់អង្គភាពយើងថា សាច់ជ្រូកនេះ ពួកគាត់ដឹកមកពីផ្សារមួយនៅប្រទេសថៃ យកទៅឲ្យអាជីវកលក់នៅផ្សារម៉ាឡៃ ខេត្តបន្ទាយមានជ័យ ដោយការដឹកជញ្ជូនតាមរទេះ ឆ្លងកាត់គោលដៅនិមួយៗ មិនមានការត្រួតពិនិត្យឲ្យបានត្រឹមត្រូវ ជាពិសេសគឺច្រកនេះតែម្តង ។បើបែបនឹងតើពលរដ្ឋរំពឹងអ្វី តើអ្នកណាជាអ្នកទទួលខុសត្រូវ ចំពោះសុខភាពរបស់ពលរដ្ឋយើង ទាំងដែលសាច់ជ្រូក ដឹកនាំចូលដោយមិនមានការត្រួតពិនិត្យ និងឆ្លងកាត់ ពសុពេទ្យសត្វ ឲ្យបានត្រឹមត្រូវ ។ពលរដ្ឋស្នើសុំដល់ ឯកឧត្តម សុខលូ អភិបាលនៃគណៈអភិបាលខេត្តបាត់ដំបង ជួយត្រួតពិនិត្យគោលដៅច្រករបៀងខាងលើនេះផង ដោយពួកគាត់មានការព្រួយបារម្ភ ចំពោះសុខភាពរបស់ពួកគាត់ និងប្រជាជនខ្មែរយើងទាំងអស់គ្នា ។ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សាយទៅតាមវិជ្ជាជីវៈអ្នកសារពត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ ព្រមទាំងរង់ចាំទទួលការបកស្រាយ ពីភាគី ស្ថាប័នពាក់ព័ន្ធ រៀងរាល់ម៉ោងធ្វើការ ៕សូមអគុណ









