ភ្នំពេញ÷សង្ស័យស្រវឹងបុរសម្នាក់បើករថយន្ត Ford មួយគ្រឿងពាក់ស្លាកលេខ ភ្នំពេញ 2BO.3679 រ៉េចង្កូតទៅបុ..,,កម៉ូតូកង់បីពីរគ្រឿងនៅមុខក្លឹបDOT បណ្ដាលឲ្យរងការខូចខាត រួចព្យាយាមបើករត់ ត្រូវបងប្អូនប្រជាពលរដ្ឋនាំគ្នាដេញឃាត់បានយកមកកន្លែងកើតហេតុ តែបែជាបើកករថយន្តបើកចូលក្លឹបទៅវិញ ។
ហេតុការណ៍នេះបានកើតឡើងនៅវេលាម៉ោង១១ និង៥០ នាទីយប់ថ្ងៃទី ០៤ ខែវិច្ឆិកា ឆ្នាំ ២០២៤ ស្ថិតនៅតាមបណ្ដោយផ្លូវ១៩៨៦ ចំណុចមុខក្លឹបDOT សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ក្រោយកើតហេតុសមត្ថកិច្ចមូលដ្ឋានបានចុះមកដល់ត្រួតពិនិត្យរួចរាល់ បានឲ្យម្ចាស់រថយន្តបើករថយន្តចេញមកក្រៅវិញ ដើម្បីធ្វើការសម្របសម្រួលគ្នា អស់រយ:ជិត១ម៉ោងទើបមានការព្រមព្រៀងគ្នាដោយខាងភាគីរថយន្តបានចេញសំណងទៅឲ្យភាគីម៉ូតូកង់បីទាំងពីរគ្រឿងចំនួន ៤៧០ដុល្លារដើម្បីបញ្ចប់រឿង នៅនឹងកន្លែងកើតហេតុ៕






