ឃាត់ខ្លួននារីៗ ម៉ាស្សាបង្កប់សេវាបំរើកម្សាន្តចំនួន៥នាក់ និងមេការម្នាក់ នៅខណ្ឌពោធិ៍សែនជ័យ"
គេហទំព័រ MNSPNEWS (www.mnspnews.asia) សូមគោរពនិងជំរាបសួរ ទ្រង់ឯកឧត្តម លោកជំទាវ អ្នកឧកញ៉ា អស់លោក លោកស្រី អ្នកនាងកញ្ញា និង ពុកម៉ែបងប្អូនជនរួមជាតិទាំងអស់ ដែលតែងតែនិយមវិស័យព័ត៌មានអនឡាញជាទីមេត្រី ខ្ញុំបាទ មានឧត្តមគតិជាអ្នកស្រលាញ់ប្រទេសជាតិ និងវិជ្ជាជីវៈជាអ្នកសារព័ត៌មាន ពិតប្រាកដ សូមជួយlike ជួយshare ផង ពុកម៉ែបងប្អូនដើម្បីសង្គមជាតិ មាតុភូមិរបស់យើងទទួលបានព័ត៌មានទាំងអស់គ្នាណា។ សូមអរគុណ...!

ឃាត់ខ្លួននារីៗ ម៉ាស្សាបង្កប់សេវាបំរើកម្សាន្តចំនួន៥នាក់ និងមេការម្នាក់ នៅខណ្ឌពោធិ៍សែនជ័យ"

ភ្នំពេញ ៖ កាលពី យប់ ថ្ងៃទី០៦ ខែមិថុនា ឆ្នាំ២០២៣  បើតាមសេចក្តីរាយការណ៍បានឱ្យដឹងថា ទីតាំងកន្លែងម៉ាស្សាបង្កប់ទៅដោយសេវាបំរើកម្សាន្តមួយកន្លែង ត្រូវមន្ត្រីផ្នែកជំនាញនាយកដ្ឋានប្រឆាំងការជួយដូរមនុស្សអនីតិជនចុះសហការជាមួយកម្លាំងអជ្ញាធរខណ្ឌបង្ក្រាប និងឃាត់ខ្លួននារីៗធ្វើការសេវាបំរើកម្សាន្តចំនួន៥នាក់ និងមេការម្នាក់ នៅចំណុចបុរីញ៉ូថោន ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ ដោយមានការរាយការណ៍ផ្ដល់ព័ត៌មានពីប្រជាពលរដ្ឋរស់នៅក្នុងបុរីខាងលើ ប្ដឹងទៅខាងអជ្ញាធរសមត្ថកិច្ចមូលដ្ឋាន បន្ទាប់សមត្ថកិច្ចក៏រាយការណ៍បន្តទៅកាន់ផ្នែកជំនាញនាយកដ្ឋានប្រឆាំងការជួយដូរមនុស្ស និងការពារអនីតិជនតែម្តង។
ទីតាំងម៉ាស្សានេះមានយីហោ «ម៉ាកស្រីកា» ផ្ទះលេខ No CO2.St.112KD ក្នុងនោះមានស្រី្ដបំរើសេវាកម្សាន្តចំនួន៥នាក់ ជាអនីតិជន២នាក់ និង៣នាក់ទៀតគ្រប់អាយុ រួមនឹងមេការម្នាក់ទៀត ត្រូវបានបញ្ជូនទៅកាន់ផ្នែកជំនាញ ចំណែកវត្ថុតាងដែលត្រូវដកហូតបានរួមមាន ៖ ម៉ូតូមួយគ្រឿងម៉ាកធូដេ ពណ៌ក្រហម ពាក់ស្លាកលេខ ភ្នំពេញ1KE-4685 ព្រមទាំងទូរស័ព្ទដៃមួយចំនួនផងដែរ។
ក្នុងប្រតិបត្តិការ នោះមន្ត្រីផ្នែកជំនាញក៏ដឹកនាំកម្លាំងចុះ សហការជាមួយកម្លាំងផ្នែកជំនាញខណ្ឌពោធិ៍សែនជ័យ និងអជ្ញាធរភូមិ ឃុំ សង្កាត់ អោយចូលរួមអន្តរាគមន៍បង្ក្រាបទីតាំងម៉ាស្សានោះ បន្ទាប់ពីធ្វើការសួរនាំទៅលើនារីបំរើសេវាកម្សាន្តទាំង៥នាក់នោះទៅ ទើបដឹងថា មាននារី២នាក់ជាអនិតិជន នៅទីតាំងនោះផងដែរ នៅពេលឆែកឆេរ គឺរកឃើញស្រោមអនាម័យដែលប្រើប្រាស់រួចជាច្រើនស្រោមវេចខ្ចប់ទុកក្នុងថង់ខ្មៅមួយ ហើយក៏ត្រូវបានផ្នែកជំនាញប្រមូលទុកជាភស្តុតាង ដើម្បីកសាងសំណុំរឿងផងដែរ។
បច្ចុប្បន្ននារីបំរើសេវាកម្សាន្តទាំង៥នាក់ និងមេការម្នាក់ ត្រូវឃាត់ខ្លួនបញ្ជួនទៅកាន់ផ្នែកជំនាញនាយកដ្ឋានប្រឆាំងការជួញដូរមនុស្ស និងការពារអនីតិជន ដើម្បីចាត់ការទៅនីតិវិធីបន្ត ចំណែកទីតាំងផ្ទះម៉ាស្សាខាងលើវិញ ក៏ត្រូវបានបិទទ្វារសោផ្អាកជាបណ្ដោះអាសន្ន៕

Previous Post Next Post